کیا چلے کوچہِ جاناں کی ہوا میرے ساتھ

کیا چلے کوچہِ جاناں کی ہوا میرے ساتھ
‎روز آلگتا ہے اک دشت نیا میرے ساتھ
‎اک زمانہ ہے یہاں دست و گریباں مجھ سے
‎تُو نے کیا دامنِ دل باندھ لیا میرے ساتھ
‎گھر کے آنگن سے پرندے بھی پرے رہتے ہیں
‎جب سے رہتا ہے کوئی دوست خفا میرے ساتھ
‎روزِ اوّل سے ہوں میں سبز محبت کا اسیر
‎سایہ افگن ہے درختوں کی دعا میرے ساتھ
‎کچھ مرا عہد بھی قاتل ہے تو کچھ بہرِ جنوں
‎زندگی رکھتی ہے اک حشر بپا میرے ساتھ
‎دربدر ہو کے بھی ہٹتا نہیں رستے سے فقیر
‎معجزے کرتی ہے وہ گردشِ پا میرے ساتھ
‎بات کرتا ہے صحیفوں مین کوئی اور سعیدؔ
‎پیش آتا ہے کوئی اور خدا میرے ساتھ